သွင်းကုန်ငွေလွှဲစာတမ်း
CB Bank အနေဖြင့် ကုန်ရောင်းသူထံသို့ သွင်းကုန်ငွေလွှဲစာတမ်းများကို တာဝန် ယူ၍ ဖွင့်လှစ်ပေးပါသည်။ သွင်းကုန်ငွေလွှဲစာတမ်းပါ စည်းမျဉ်းစည်းကမ်းများ ကိုက်ညီမှသာလျှင် ဘဏ်မှငွေပေး ချေမည် ဖြစ်ပါသဖြင့် လူကြီးမင်းတို့ အနေဖြင့် ယုံကြည်စိတ်ချစွာ ကုန်ပစ္စည်းများကို ဝယ်ယူနိုင်ပါသည်။
ကုန်ဝယ်သူ အတွက် အကျိုးကျေးဇူးများ
- ငွေကြေးဆုံးရှုံးမှုများကို လျော့နည်းစေခြင်း။
- ငွေကြေးလည်ပတ်မှုကို အထောက်အကူပြုခြင်း။
- လိုအပ်သောစာရွက်စာတမ်းများ ပြည့်စုံမှန်ကန်မှုရှိပြီး ညနေ(၃)နာရီ မတိုင်မီ တင်ပြပါက နေ့ချင်းပြီး ငွေလွှဲစာတမ်းများ ဖွင့်လှစ်ပေးခြင်း။
လုပ်ငန်းလမ်းညွှန်
- ကုန်ဝယ်သူမှ ငွေလွှဲစာတမ်းလျှောက်လွှာကို တင်ခြင်း။
- CB Bank မှ ငွေလွှဲစာတမ်းကို ကုန်ရောင်းသူ၏ ဘဏ်သို့ပေးပို့ခြင်း။
- ငွေလွှဲစာတမ်းရရှိပါက ကုန်ရောင်းသူမှ ပစ္စည်းများတင်ပို့၍ ၎င်းတို့နှင့် ချိတ်ဆက်ထားသောဘဏ် သို့ ငွေလွှဲစာတမ်းပါ အချက်အလက်နှင့်ကိုက်ညီသော စာရွက်စာတမ်းများတင်ပြခြင်း။ ၎င်း၏ ဘဏ်မှ CB Bank သို့ ကုန်သွယ်မှုဆိုင်ရာစာရွက်စာတမ်းများ ဆက်လက်ပေးပို့ခြင်း။
- CB Bank မှ ကုန်ဝယ်သူထံသို့ သင်္ဘောတင်စာရွက်စာတမ်းများ ရောက်ရှိကြောင်း အကြောင်းကြားခြင်း။
- ငွေလွှဲစာတမ်းပါ အချက်အလက်များနှင့် ကိုက်ညီပါက CB Bank မှ (၅) ရက်အတွင်း ငွေပေးချေခြင်း ။ အကယ်၍ အချို့အချက်များမှားယွင်းလျှင် ကုန်ဝယ်သူအား သဘောတူညီချက် ရယူပါသည်။ ကုန်ဝယ်သူမှလက်ခံလျှင် ငွေပေးချေခြင်း။
- ဝယ်ယူသူမှ ကုန်တင်ပို့သော စာရွက်စာတမ်းများကို CB Bank ထံမှ လွှဲပြောင်းယူခြင်း။
နှုန်းထားနှင့် အဖိုးအခများ
ဝန်ဆောင်ခနှုန်းထားများကို သီးခြား အကြောင်းကြားပေးပါမည်။
လိုအပ်ချက်များ
- သွင်းကုန်ငွေလွှဲစာတမ်း ဖွင့်လှစ်ခွင့်ပြုရန် လျှောက်လွှာ (ဘဏ်မှထုတ်ပေးသော ပုံစံ)
- ကုမ္ပဏီမှ ငွေလွှဲစာတမ်းလျှောက်ထားခွင့်ပြုပါရန် အကြောင်းကြားစာ
- အရောင်း/အဝယ် သဘောတူညီချက် အထောက်အထား
- ကုန်ဝယ်အမှာစာ
- သွင်းကုန်လိုင်စင် (လိုင်စင်လိုအပ်သော ပစ္စည်းများ ဖြစ်ပါက)
