SME Long Term Investment Loan powered by JICA

SME Long Term Investment Loan powered by JICA

အများဆုံး ကျပ်သိန်း (၅,၀၀၀) လျှောက်ထားနိုင်သော ချေးငွေ

JICA TSL or JICA Two Step Loan -နှစ်ဆင့်ချေးငွေ (ခ) နှစ်ရှည်ရင်းနှီးမြုပ်နှံမှုချေးငွေဆိုသည်မှာ မြန်မာနိုင်ငံ SME လုပ်ငန်းများဖွံ့ဖြိုးတိုးတက်စေရန် CB Bank မှ Japan International Cooperation Agency (JICA) နှင့် ပူးပေါင်း၍ ချေးငွေထောက်ပံ့ပေးသော Project တစ်ခုဖြစ်ပါသည်။

JICA နှစ်ဆင့်ချေးငွေလျှောက်ထားရန်အတွက် အာမခံပစ္စည်းအဖြစ် မြေနှင့် အဆောက်အဦး လိုအပ်ပါသည်။ ချေးငွေသက်တမ်းကို (၁)နှစ် မှ (၅)နှစ်အထိ လျှောက်ထားနိုင်ပါသည်။ အများဆုံး လျှောက်ထားနိုင်သော ချေးငွေပမာဏမှာ ကျပ်သိန်း (၅,၀၀၀)ဖြစ်ပါသည်။ JICA ချေးငွေလျှောက်ထားရန် အဓိကစံနှုန်းမှာ ချေးငွေစုစုပေါင်းပမာဏ၏ (၈၀%) ကို ပုံသေပိုင်ပစ္စည်းရင်းနှီးမြှပ်နှံရန်အတွက်အသုံးပြုရမည်ဖြစ်ပြီး ချေးငွေပမာဏ၏ (၂၀%) ကိုသာ လုပ်ငန်းလည်ပတ်ငွေအဖြစ် အသုံးပြုရမည်ဖြစ်ပါသည်။

SME JICA နှစ်ဆင့်ချေးငွေကို ရွေးချယ်ရသော အကြောင်းအရင်း

  • မြန်မာကျပ်သိန်း (၅,၀၀၀) အထိ အများဆုံးလျှောက်ထားနိုင်ပါသည်။

  • သက်တမ်း (၂) နှစ်မှ (၅) နှစ်အထိ ခွင့်ပြုသော ကာလရှည်ချေးငွေ

  • (၅.၅%) - (၁၀%) ဖြင့်သက်သာသော အတိုးနှုန်း။

  • လုပ်ငန်းသက်တမ်း (၂) နှစ်ရှိပြီး စက်ရုံအဆောက်အအုံ (သို့) လုပ်ငန်းအဆောက်အဦး တိုးချဲ့ခြင်း၊ ပြင်ဆင်ခြင်း၊ အသစ်ဆောက်လုပ်ငန်း၊ စက်ပစ္စည်းဝယ်ယူခြင်း၊ စက်ယန္တရားများအား အဆင့်မြှင့်တင်ခြင်း၊ စားသောက်ဆိုင်များ တိုးချဲ့ဖွင့်လှစ်ခြင်းကဲ့သို့ ပုံသေပိုင်ပစ္စည်းရင်းနှီးမြှပ်နှံရန် (Fixed Asset Investment) အတွက်ရည်ရွယ်သော လုပ်ငန်းရှင်များအတွက် သင့်လျော်ပါသည်။
အတိုးနှုန်း နှင့် ဝန်ဆောင်ခ

တစ်နှစ်လျှင် အတိုးနှုန်း (၅.၅%) - (၁၀%)
လျှောက်ထားရန် အဓိက လိုအပ်သောအချက်များမှာ-
  • မြန်မာနိုင်ငံတွင် မှတ်ပုံတင်ထားသော မြန်မာနိုင်ငံသားပိုင်လုပ်ငန်းဖြစ်ရမည်။
  • အာမခံပစ္စည်းထားရန်အတွက် မြေနှင့် အဆောက်အဦး လိုအပ်ပါသည်။
  • ချေးငွေပမာဏ ၏ အနည်းဆုံး ၈၀% ကို ပုံသေပိုင်ပစ္စည်းတွင်ရင်းနှီးမြှုပ်နှံရန် လိုအပ်ပါသည်။

 

မှတ်ချက်

JICA နှစ်ဆင့်ချေးငွေသည် မြန်မာနိုင်ငံစီးပွားရေးဘဏ် တွင် JICA’s Financial Intermediary ချေးငွေ ပေါ်မူတည်ပြီး ထောက်ပံ့ပေးသော ချေးငွေဖြစ်သဖြင့် တစ်နှစ်လျှင် JICA fund အနည်းအများ ပေါ်မူတည်၍ ဘဏ်များကိုချေးခြင်းဖြစ်သည့်အတွက် Loan Available Period မတူညီနိုင်ပါ။
FAQs
မည်သည့် Customer များမှ SME Long Term Investment Loan powered by JICA ကိုလျှောက်ထားနိုင်သနည်း။

မြန်မာနိုင်ငံသားပိုင်ဖြစ်သော စီးပွားရေးလုပ်ငန်းဖြစ်၍ လုပ်ငန်းသက်တမ်းအနည်းဆုံး (၂) နှစ်ရှိရမည် ဖြစ်ပါသည်။ မြန်မာနိုင်ငံ၏ SME ဥပဒေ သတ်မှတ်ချက် အရ လုပ်ငန်း အမျိုးအစား၊ အလုပ်သမားဦးရေ၊ ရင်းနှီးငွေပမာဏ နှင့်ကိုက်ညီသော လုပ်ငန်းများ လျှောက်ထားနိုင်ပါသည်။

SME လုပ်ငန်းရှင်များသည် မည်သည့်ရင်းနှီးမြှုပ်နှံမှုများအတွက် SME Long Term Investment Loan powered by JICA ချေးငွေကိုအသုံးပြု၍ ဝယ်ယူနိုင်ပါသနည်း။

ချေးငွေအသုံးပြုမှုကို ပုံသေပိုင်ပစ္စည်း ရင်းနှီးမြှုပ်နှံမှု (Fixed Asset Investment) အတွက် (၈၀%) နှင့် လုပ်ငန်းလည်ပတ်ရင်းနှီးငွေသုံးရန် (Working Capital Investment) အတွက် (၂၀%)  အသုံးပြုနိုင်ပါသည်။

ဥပမာ။    ။ စက်ပစ္စည်းဝယ်ယူမှု့ ၊ စက်ရုံတည်ဆောက်မှု့ ၊ ဆန်စက် ကိုအရည်အသွေးမြှင့်တိုးချဲ့မှု့ နှင့် စားသောက်ဆိုင်များ တိုးချဲ့ဖွင့်လှစ်ခြင်း စသည်ကဲ့သို့သော ပုံသေပိုင်ပစ္စည်း ရင်းနှီးမြှုပ်နှံမှု (Fixed Asset Investment) အား ချေးငွေ၏ (၈၀%) အသုံးပြုနိုင်ပြီး ကုန်ကြမ်းဝယ်ယူခြင်းစသည့် လုပ်ငန်းလည်ပတ်ရင်းနှီးငွေ (Working Capital Investment) အတွက် (၂၀%) အသုံးပြုမှု့ ကို ခွင့်ပြုထားပါသည်။ သို့သော် မြေတန်ဖိုး မပါဝင်ပါ။

SME Long Term Investment Loan powered by JICA လျှောက်ထားရန် အတွက် အာမခံပစ္စည်းများ လိုအပ်ပါသလား။

အာမခံပစ္စည်းအနေဖြင့် မြေနှင့် အဆောက်အဦး ပါရှိရန်လိုအပ်ပါသည်။

CB ဘဏ်၏ SME Long Term Investment Loan powered by JICA အတိုးနှုန်းနှင့် ချေးငွေသက်တမ်းကို မည်ကဲ့သို့ သတ်မှတ် ထားပါ သနည်း။

တစ်နှစ်လျှင် အတိုးနှုန်း (၅.၅) % မှ (၁၀) % အထိ လုပ်ငန်း၏ အခြေအနေ၊ ဆုံးရှုံးနိုင်မှု အနည်းအများပေါ်မူတည်၍ အတိုးနှုန်းအပြောင်းအလဲ ရှိပါသည်။ ချေးငွေသက်တမ်းမှာ (၂) နှစ်မှ အများဆုံး(၅)နှစ်အထိ လျှောက်ထားနိုင်ပါသည်။

SME များမှ SME Long Term Investment Loan powered by JICA ချေးငွေလျှောက်လွှာများကို ဘဏ်တစ်ဘဏ်ထက်ပို၍ လျှောက်ထားနိုင်ပါသလား။

JICA မှ သတ်မှတ်ထားသည့်အတိုင်း ချေးငွေကျပ် သိန်း (၅,၀၀၀) အထိ ဘဏ်များမှ ခွင့်ပြုချက်နှင့်အညီ လျှောက်ထားရယူနိုင်ပါသည်။

သတ်မှတ်ချက်တွင် မပါဝင်သောလုပ်ငန်းနှင့် စီမံချက်များက ဘာတွေပါလဲ။

အိမ်ခြံမြေလုပ်ငန်းများ၊ ငွေကြေး ၊ဘဏ္ဍာရေးနှင့် အာမခံဆိုင်ရာလုပ်ငန်းများ၊ အဖိုးတန် စိန်၊ရွှေ ၊ ရတနာ ထုတ်လုပ်ရောင်းဝယ်ရေးလုပ်ငန်းများ၊ အရက်ဆိုင်၊ အဖျော်ယမကာ ကောင်တာနှင့် ထုတ်လုပ်ရောင်းဝယ်ရေး လုပ်ငန်းများ၊ ဂိမ်းစင်တာ၊ ကာစီနို ၊ ကေတီဗီကဲ့သို့ ဖျော်ဖြေရေးလုပ်ငန်းများ ၊ လက်နက်ခဲယမ်းမီးကျောက် ထုတ်လုပ်ရောင်းဝယ်ရေးလုပ်ငန်းများ၊ လယ်သမားများ၊ သဘာဝပတ်ဝန်းကျင် နှင့် လူမှုဝန်းကျင်ကို ထိခိုက်စေနိုင်သော လုပ်ငန်းများ၊ပရောဂျက်များ တို့ဖြစ်ပါသည်။