ခေါ်ယူအပ်ငွေစာရင်း
ခေါ်ယူအပ်ငွေစာရင်းသည် လက်ရှိငွေစုဘဏ်စာရင်းကဲ့သို့ အပ်နှံနိုင်ပြီး ၎င်းအပ်နှံငွေ၏ နေ့တစ်နေ့လက်ကျန်ငွေပေါ်တွင် နေ့စဉ်အတိုးတွက်ချက်ပေးမည့် ဘဏ်စာရင်းအမျိုးအစား ဖြစ်ပါသည်။
- နေ့တစ်နေ့လက်ကျန်ငွေပေါ်တွင် နေ့စဉ် အတိုးတွက်ချက်ပေးခြင်း။
- တစ်နေ့တာ ဆောင်ရွက်နိုင်သည့် ငွေကြေးဆိုင်ရာ လုပ်ဆောင်ချက်များ နှင့် ငွေပမာဏကို ကန့်သတ်ထားခြင်းမရှိသည့်အတွက် လူကြီးမင်းတို့၏ လုပ်ငန်းလိုအပ်ချက်များအတွက် သင့်တော်ခြင်း။
- အတိုးနှုန်းပမာဏများကို (၃) လတစ်ကြိမ် ထည့်ပေးခြင်း။
အတိုးနှုန်း
ကျပ်သိန်း(၅၀၀) နှင့် အောက် - ၂ % (တစ်နှစ်လျှင်)
ကျပ်သိန်း(၅၀၀) နှင့် အထက် - ၄ % (တစ်နှစ်လျှင်)
စာရင်းထိန်းသိမ်းခ - ၁၅၀၀ ကျပ် (တစ်နှစ်အတွင်း ငွေသွင်းငွေထုတ်ဆောင်ရွက်မှု Transaction မရှိသော စာရင်းများအတွက်သာ ကောက်ခံ ပါသည်။)
- အသက် (၁၈) နှစ်ပြည့်ရပါမည်။
- မြန်မာနိုင်ငံသား ဖြစ်ရပါမည်။
- နိုင်ငံသားစိစစ်ရေးကတ်ပြား ယူဆောင်လာရန် လိုအပ်ပါသည်။
- မြန်မာနိုင်ငံအသိအမှတ်ပြု၊ ခွင့်ပြုလိုင်စင်ရထားသော ကုမ္ပဏီလုပ်ငန်း၊ အဖွဲ့အစည်းများ စာရင်းဖွင့်နိုင်ပါသည်။
- ကုမ္ပဏီလုပ်ငန်း၊ အဖွဲ့အစည်းများအတွက် လိုအပ်ချက်အလိုက် ဘဏ်မှထပ်မံတောင်းဆိုချက်များရှိနိုင်ပါသည်။
ခေါ်ယူအပ်ငွေစာရင်းသည် လက်ရှိငွေစုဘဏ်စာရင်းကဲ့သို့ အပ်နှံနိုင်ပြီး ၎င်းအပ်နှံငွေ၏ နေ့တစ်နေ့လက်ကျန်ငွေပေါ်တွင် နေ့စဉ်အတိုးတွက်ချက်ပေးမည့် ဘဏ်စာရင်းအမျိုးအစား ဖြစ်ပါသည်။
ငွေသွင်းခြင်း ကို အောက်ပါ နည်းလမ်းများဖြင့် ပြုလုပ်နိုင်ပါသည် -
- CB Bank ၏ ဘဏ်ခွဲများတွင် စာရင်းပိုင်ရှင်ကိုယ်တိုင်သော်လည်းကောင်း၊
- ချက်လက်မှတ်များဖြင့်သော်လည်းကောင်း၊
- ငွေပေးအမိန့်လွှာ ဖြင့်သော်လည်းကောင်း၊
- ငွေလွှဲ ဖြင့်သော်လည်းကောင်း၊
- ကိုယ်စားလှယ်ဖြင့်သော်လည်းကောင်း၊
- Mobile Agents များမှတစ်ဆင့်သော်လည်းကောင်း ငွေသွင်းနိုင်ပါသည်။
နေ့တစ်နေ့လက်ကျန်ငွေပေါ်တွင် နေ့စဉ်အတိုးတွက်ချက်ပေးပါသည်။ အတိုးနှုန်းပမာဏများကို (၃) လတစ်ကြိမ် ထည့်သွင်းပေးပါသည်။
ဘဏ်စာရင်းလက်ကိုင်ထားသူအနေဖြင့် ATM ကတ်တစ်ခုရရှိမည်ဖြစ်ပြီး ထိုကတ်ဖြင့် Mobile Banking (သို့မဟုတ်) Internet Banking တို့ကို ချိတ်ဆက်အသုံးပြုနိုင်သည့်အပြင် eStatement (သို့မဟုတ်) eAtert များကို သတ်မှတ်ဝန်ဆောင်ခဖြင့် ရယူနိုင်ပါသည်။