CB Bank အနေဖြင့် Deposit Account အသစ်အား အထူးအစီအစဉ်တစ်ရပ်အဖြစ် ငွေပမာဏ အကန့်အသတ်မရှိ ထုတ်ယူနိုင်ပြီး နေ့စဉ်စာရင်းပိတ်လက်ကျန်အပေါ် လက်ကျန်ငွေပမာဏအလိုက် အတိုးနှုန်း ၄ ရာခိုင်နှုန်းမှ ၆ ရာခိုင်နှုန်းအထိ ရရှိနိုင်မည့် Special Account ကို မေလ ၃ ရက်နေ့မှစတင်၍ CB Bank ၏ ဖွင့်လှစ်ဘဏ်ခွဲနှင့် ကြိုတင်ချိတ်ဆက်ဘဏ်ခွဲများတွင် ဖွင့်လှစ်ပေးသွားမည်ဖြစ်ပါကြောင်း အသိပေးအပ်ပါသည်။
အဆိုပါဝန်ဆောင်မှုနှင့်ပတ်သက်၍ တစ်ဦးချင်း Personal Account ဖြစ်စေ၊ Joint Account ဖြစ်စေ၊ Corporate Account (ကုမ္ပဏီ) ဖြစ်စေ စာရင်းဖွင့်လှစ်နိုင်ပြီး အကန့်အသတ်မရှိ ငွေသားပေးသွင်းနိုင်ပါသည်။ ယခင်ချက်လက်မှတ်များနှင့် ပုံစံကွဲပြားသည့် Special Account Seal ရိုက်နှိပ်ကာ ချက်လက်မှတ်စာအုပ် ထုတ်ပေးသွားမည်ဖြစ်ပါသည်။
Debit Card ချိတ်ဆက်အသုံးပြုနိုင်သည့်အပြင် CB Pay အသုံးပြု ၍ Special Account မှ တစ်ဆင့် အခြား CB Bank Account များသို့ စာရင်းပြောင်းခြင်းနှင့် ငွေပေးချေခြင်းများ ဆောင်ရွက်နိုင်ပါသည်။