လူသားခြင်းစာနာပံ့ပိုးမှုများ
ပညာရေးသည်နိုင်ငံဖွံ့ဖြိုးတိုးတက်ရေးအတွက် အခြေခံအုတ်မြစ်ဖြစ်သည်ကို CB Bank မှ နားလည်သဘောပေါက်သည့်အလျောက် အနာဂတ်မျိုးဆက်သစ်များကို ကောင်းမွန်သော ပညာရေးသင်ကြားပေးခြင်းဖြင့် ၎င်းတို့အား နိုင်ငံသားကောင်းများ၊ ဝန်ထမ်းကောင်းများ၊ အောင်မြင်သော စီးပွားရေးလုပ်ငန်းရှင်များအဖြစ် ပေါ်ထွန်းလာစေရန် CB Bank မှ CSR လုပ်ငန်းများဖြင့် အထောက်အပံ့ပြုလျက်ရှိပါသည်။
မျိုးဆက်သစ်များအတွက် အနာဂတ်တွင် လူကျင့်ဝတ်နားလည်သောမျိုးဆက်များ ဖြစ်လာစေရန်အတွက် ပညာရေးထောက်ပံ့မှုများ၊ လှူဒါန်းမှုများ၊ အသိပညာဗဟုသုတ ကြွယ်ဝစေရန် ဆောင်ရွက်လျက်ရှိပါသည်။ ကျောင်းသားလူငယ်များ၏ ဝါသနာကို ပံ့ပိုးကူညီထောက်ပံ့ပေးသော အခန်းကဏ္ဍမှလည်း ပါဝင်ကူညီဆောင်ရွက်လျက်ရှိပါသည်။ CB Bank မှ ကလေးသူငယ်များ၏ ပညာရေးအတွက် အထောက်အပံ့များပေး၍ လိုအပ်သည်များ ပံ့ပိုးပေးရန် ရည်ရွယ်ထားသည့်အပြင် ဆင်းရဲခြင်း ပပျောက်စေရန်နှင့် ပညာရေးအားဖြင့် ချို့တဲ့သောကလေးများအား ၎င်းတို့ဘဝရည်မှန်းချက်များ အရည်အချင်းပြည့်မီတိုးတက်စေရန် CB Bank မှ ကြိုးစားထောက်ပံ့ပေးလျက်ရှိပါသည်။
CB Bank သည် လိုအပ်နေသော စီးပွားရေးလုပ်ငန်းများကို ကောင်းမွန်သော စိတ်စေတနာဖြင့် ငွေများထုတ်ချေးခြင်းအားဖြင့် စီးပွားရေးလုပ်ငန်းများကို တိုးတက်အောင်ဆောင်ရွက်ပေးခြင်းနှင့် သဘာဝပတ်ဝန်းကျင်ထိန်းသိမ်းမှု Project များတွင်လည်း ထောက်ပံ့ဆောင်ရွက်ပေးပြီး မိမိကိုယ်တိုင်လည်း သစ်ပင်စိုက်ပျိုးခြင်း၊ စက္ကူသုံးစွဲမှု လျှော့ချခြင်းတို့ဖြင့် အားပေးဆောင်ရွက်လျက်ရှိပါသည်။
ဘဏ်၏ နေ့စဉ်လုပ်ငန်းများတွင်လည်း သဘာဝပတ်ဝန်းကျင်ထိန်းသိမ်းရေးကိုပါ ထည့်သွင်းစဉ်းစားရန် ဝန်ထမ်းများကိုလည်း တိုက်တွန်းဆောင်ရွက်လျက်ရှိပါသည်။ နိုင်ငံတော်ဖွံ့ဖြိုးတိုးတက်မှု တည်ဆောက်ရာတွင်လည်း တဖက်တလမ်းမှ အကျိုးပြုကူညီဆောင်ရွက်လျက်ရှိပါသည်။
ဥပမာ- ရုံးစာများပုံနှိပ်ရာတွင် စာမျက်နှာနှစ်ဖက်လုံးအသုံးပြုခြင်း၊ CB ဘဏ်ဝန်ထမ်းများအနေဖြင့် အလုပ်ချိန်အတွင်း လျှပ်စစ်ဓါတ်အားသုံးစွဲမှုကို အတတ်နိုင်ဆုံးလျှော့ချသုံးစွဲခြင်း၊ အလုပ်ဆင်းချိန်များတွင်မရှိမဖြစ်မှလွဲ၍ ကျန်သောလျှပ်စစ်မီးများအားပိတ်ထားခြင်း၊ ဘဏ်မှအသုံးပြုသော မော်တော်ယာဉ်များကို Smart Transportation ယာဉ်လမ်းကြောင်းစနစ်မှတစ်ဆင့် ထိန်းချုပ်အသုံးပြုစေခြင်းဖြင့် လောင်စာဆီအသုံးပြုမှုကို တတ်နိုင်သမျှလျှော့ချခြင်း စသည်တို့ကို မူဝါဒတစ်ရပ်အဖြစ် ချမှတ်အကောင်အထည်ဖော်လျက်ရှိပါသည်။ လုပ်ငန်းပိုင်းဆိုင်ရာအတွက်သာမက စီးပွားဖက်များနှင့် သုံးစွဲသူများကိုလည်း Electronic Banking System များကို ဝန်ဆောင်မှုပေးခြင်းနှင့် အသုံးပြုရန်တိုက်တွန်းခြင်း စသည့် သဘာဝပတ်ဝန်းကျင်ထိန်းသိမ်းရေး လှုပ်ရှားမှုများကို အရှိန်တိုးမြှင့်ဆောင်ရွက်လျက်ရှိပါသည်။ ထို့ကြောင့်လည်း CB Bank အနေဖြင့် (၂၀၁၄) ခုနှစ်တွင် သမာရိုးကျ ငွေစုစာအုပ်များအသုံးပြုရန် မလိုအပ်သော မြန်မာနိုင်ငံ၏ ပထမဆုံး e-saving accounts ဝန်ဆောင်မှုကို စတင်မိတ်ဆက်ပေးခဲ့ရာ စာရေးစက္ကူအသုံးပြုမှုကို သိသိသာသာလျှော့ချနိုင်ခဲ့ပါသည်။
CB Bank သည် မိမိပတ်ဝန်းကျင်တွင် အကူအညီလိုအပ်သူအားလုံးအတွက် အမြဲကူညီဆောင်ရွက်နေသကဲ့သို့ ပြည့်စုံမှုမရှိသောလူငယ်များအနေဖြင့် မိမိတို့၏စွမ်းအားများကို ဖော်ထုတ်ပြသခွင့်ရစေရန် အခွင့်အရေးပေးခြင်းတွင်လည်း အခြားသောအဖွဲ့အစည်းများနှင့် ပူးပေါင်းလက်တွဲကူညီ ထောက်ပံ့အားပေးလျက်ရှိပါသည်။
မြန်မာနိုင်ငံ၏ အားကစားကဏ္ဍကိုလည်း တိုးတက်လာစေရန်ရည်ရွယ်၍ ကျောင်းသားလူငယ်များ၏ အားကစားကဏ္ဍတွင်လည်း ပါဝင်အားပေးကူညီမှုများကို ဆောင်ရွက်လျက်ရှိပါသည်။
မိမိပတ်ဝန်းကျင်တွင် အကြောင်းအမျိုးမျိုးကြောင့် ဆင်းရဲဒုက္ခခံစားနေရသူများကို လိုအပ်သောအကူအညီများ ထောက်ပံ့ပေးသည့်အပြင် ငလျင်ဒဏ်သင့်ပြည်သူများ၊ မီးဘေးဒုက္ခသည်များနှင့် အခြားလိုအပ်နေသူအားလုံး၏ လိုအပ်ချက်များကို ဖြည့်ဆည်းပေးလျက်ရှိပါသည်။ သဘာဝအန္တရာယ် ကာကွယ်မှုများတွင်လည်း ပူးပေါင်းပါဝင်ကူညီဆောင်ရွက်နေသကဲ့သို့ အခါအားလျော်စွာ သွေးလှူဒါန်းခြင်းများကိုလည်း ဆောင်ရွက်လျက်ရှိပါသည်။