ဘဏ်လုပ်ငန်းအောင်မြင်မှုသည် ဘဏ်ရှိအပ်နှံငွေများအား  Portfolio နစ်နာနိုင်ခြေများ စီမံခန့်ခွဲမှု ပြု လုပ်နိုင်သည့်အပေါ်တွင် မူတည်နေပါသည်။ ဘဏ်အဖွဲ့အစည်း၏ တွေ့ကြုံလာနိုင်သောနစ်နာနိုင်ခြေများကို ကြိုတင်ခန့်မှန်းကာကွယ်နိုင်စေရန်အတွက် ဤကော်မတီကို ဖွဲ့စည်းထားပါသည်။ ဘဏ်၏ဝန်ဆောင်မှု တစ်ခုချင်းစီအလိုက် နစ်နာနိုင်ခြေများကို ရှောင်လွှဲနိုင်ရန်၊ လုပ်ငန်းဆောင်ရွက်မှု အဆင့်မြှင့်တင်ကာ နစ်နာနိုင်ခြေများ လျှော့ချနိုင်ရန်နှင့် ဖြစ်ပေါ်လာသော နစ်နာမှုအကျိုးဆက်ကို မည်သို့ စီမံခန့်ခွဲဆောင်ရွက်ရန်ဟူသော ရည်ရွယ်ချက်များဖြင့် ဖွဲ့စည်းဆောင်ရွက်နေပါသည်။ အဆိုပါကော်မတီသည် Credit နစ်နာနိုင်ခြေတွင်သာမက ဈေးကွက်နစ်နာနိုင်ခြေ၊ စီမံခန့်ခွဲမှုနစ်နာနိုင်ခြေ၊ နည်းဗျူဟာ နစ်နာနိုင်ခြေတို့ကို oversee လုပ်ပါသည်။ နစ်နာနိုင်ခြေများ၏ အဆင့်သတ်မှတ်ချက်အလိုက် နည်းလမ်းများ ရေးဆွဲဆောင်ရွက်လျက်ရှိပါသည်။

မြန်မာနိုင်ငံတွင်ဖြစ်ပေါ်ခဲ့သော ဘဏ်လုပ်ငန်းအခက်အခဲများ ကြုံတွေ့သောကာလတွင်လည်း ဤကော်မတီ၏ စိစစ်လမ်းညွှန်မှုများဖြင့် ကျော်လွှားအောင်မြင်ခဲ့ပါသည်။ ဤကော်မတီသည် ချေးငွေပမာဏပေါ်မူတည်၍ ပုံမှန်အစည်းအဝေးများပြုလုပ်ပြီး ဖြစ်နိုင်ခြေရှိသော နစ်နာနိုင်ခြေများ လျော့ပါးသက်သာစေရန် နည်းလမ်းများ ဖော်ထုတ်ပြင်ဆင်ပါသည်။ ထို့အပြင် ဈေးကွက်ဖွံ့ဖြိုး တိုးတက်လာမှု အလျှောက် ဘဏ်မှမည်သည့်လုပ်ငန်းများပေါ်တွင် မည်သို့ကောင်းစွာဆောင်ရွက်နိုင်သည်ကိုလည်း စောင့်ကြည့်ဆောင်ရွက်လျက်ရှိပါသည်။

ကော်မတီအဖွဲ့ဝင်များ

ဘဏ်ဝန်ဆောင်မှုလုပ်ငန်းများကို နည်းပညာတိုးတက်မှုနှင့်အတူ နိုင်ငံတကာအဆင့်မီဆောင်ရွက် နိုင်စေရန်နှင့် လုံခြုံမှုရှိပြီး တိကျမှန်ကန်၍ မြန်ဆန်သော ငွေကြေးဝန်ဆောင်မှုများကိုစနစ်တကျ ဆောင်ရွက်နိုင်စေရန်ဖွဲ့စည်း ဆောင်ရွက်လျက်ရှိပါသည်။ တိုးတက်လာသောနည်းပညာများကို အခြေခံ၍ Customer များအား မည်သို့ ဝန်ဆောင်မှုပေးနိုင်သည်ကို လေ့လာစောင့်ကြည့်သုံးသပ်ပါသည်။ Customer များအတွက် နည်းပညာအခြေခံပြီး အချိန်မရွေး၊ နေရာမရွေး ဆောင်ရွက်နိုင်သော ဝန်ဆောင်မှုများသည် အရေးပါလာသည်ဖြစ်ရာ ဤကော်မတီအနေဖြင့် တိုးတက်လာသောနည်းပညာများနှင့်အညီ ခေတ်မီဝန်ဆောင်မှုများပေးနိုင်ရန် အစဉ်ကြိုးစားဆောင်ရွက်နေပါသည်။

ကော်မတီအဖွဲ့ဝင်များ

CB Bank စာရင်းစစ်ကော်မတီကို မြန်မာနိုင်ငံတော် ငွေရေးကြေးရေးအဖွဲ့အစည်းဥပဒေပုဒ်မ အပိုဒ်(၈၅) နှင့်အညီ ဖွဲ့စည်းဆောင်ရွက်လျက်ရှိပါသည်။

• CB Bank ဘဏ္ဍာရေးရှင်းတမ်းများနှင့် စာရင်းထိန်းသိမ်းမှုများသည် မြန်မာနိုင်ငံတော်ဗဟိုဘဏ်နှင့် မြန်မာနိုင်ငံစာရင်းစစ်ချုပ်ရုံးမှ ချမှတ်ထားသော စည်းမျဉ်းစည်းကမ်းများအား သတ်မှတ်ဘောင်အတွင်းမှ ဖြစ်စေရန်၊
• ရှယ်ယာရှင်များနှင့် ဒါရိုက်တာအဖွဲ့သို့ တင်ပြသော ဘဏ္ဍာရေးရှင်းတမ်းများသည် တိကျမှန်ကန်ပြီးပြည့်စုံမှုရှိစေရန်၊
• ဘဏ်တွင် စာရင်းထိန်းသိမ်းဆောင်ရွက်မှုများကို ထိရောက်စွာထိန်းကျောင်းနိုင်စေရန်၊
• ပြင်ပစာရင်းစစ်အဖွဲ့များနှင့် ဘဏ်တွင်းစာရင်းစစ်တို့၏ တင်ပြချက်များကို သုံးသပ်နိုင်စေရန်၊
• ဘဏ်တွင်းစာရင်းစစ်လုပ်ငန်းများကို ထိရောက်စွာအကျိုးရှိရှိ ဆောင်ရွက်နိုင်စေရန်တို့ကို တာဝန်ယူ ဆောင်ရွက်လျက်ရှိပါသည်။

ဤကော်မတီအနေဖြင့်အနည်းဆုံး (၃) လတစ်ကြိမ် ပုံမှန်အစည်းအဝေးပြုလုပ်လေ့ရှိပြီး စစ်ဆေးတွေ့ရှိချက်များနှင့်ရလဒ်များကို စိစစ်ဆောင်ရွက်လျက်ရှိပါသည်။

ကော်မတီအဖွဲ့ဝင်များ