စီးပွားရေးပိုင်းဆိုင်ရာ
Retail Banking (သို့) Personal Banking အဖြစ်လည်း ခေါ်ဝေါ်သော Consumer Banking ဌာနအောက်တွင် ဘဏ်ခွဲများအား စီမံခန့်ခွဲခြင်း၊ ဘဏ်နှင့်ဆက်သွယ်ဆောင်ရွက်သူများအား ဝန်ဆောင်မှုပေးခြင်း၊ ဝန်ဆောင်မှုအသစ်များဖန်တီးခြင်းများ ပါဝင်ပါသည်။ ငွေစုစာရင်းဖွင့်ခြင်း၊ Current အကောင့်ဖွင့်ခြင်း၊ Credit cards၊ ချေးငွေ၊ အိမ်ရာချေးငွေစသည့်ဝန်ဆောင်မှုများအပြင် အခြားသောဝန်ဆောင်မှု အများအပြားကိုလည်း ဝန်ဆောင်မှုပေးနေသော ဌာနဖြစ်ပါသည်။
ဤဌာနတွင် လုပ်ကိုင်လိုသူများအနေဖြင့်
- ဘဏ်လုပ်ငန်းနယ်ပယ်တွင် အလုပ်အကိုင်လမ်းကြောင်း တည်ဆောက်လိုခြင်း၊
- အလျင်အမြန် ပြောင်းလဲဖွံ့ဖြိုးနေသော လုပ်ငန်းပတ်ဝန်းကျင်တွင် အလုပ်လုပ်ရသည်ကို ကြိုက်နှစ်သက်ခြင်း၊
- Customer များနှင့် ထိတွေ့ဆက်ဆံရသည်ကို သဘောကျခြင်း၊
စသည့်အချက်များကိုက်ညီပါက Consumer Banking ဌာနသည် ၎င်းသူများအတွက် သင့်လျှော်သောဌာနဖြစ်ပါသည်။
လျှောက်ထားလိုသူများအတွက် ရှိရမည့် အရည်အချင်းများမှာ-
- ဘဏ္ဍာရေးနှင့် ပတ်သက်၍ အခြေခံဗဟုသုတရှိခြင်းနှင့် နားလည်သဘောပေါက်ခြင်း၊
- ဖိအားများအောက်တွင် အလုပ်လုပ်နိုင်ခြင်း၊
- Customer Service နှင့် အခြားစပ်ဆက်လျက်ရှိသော နယ်ပယ်များတွင် အတွေ့အကြုံရှိခြင်း၊
- စီးပွားရေးအမြင်ရှိခြင်းနှင့် ငွေကြေးအကျိုးအမြတ်ကို နားလည်သဘောပေါက်ခြင်း၊
- လုပ်ဖော်ကိုင်ဖက်များ၊ ဖောက်သည်များနှင့် ပေါင်းသင်းဆက်ဆံရေးကောင်းမွန်ပြီး ခိုင်မာသော လူမှုဆက်ဆံရေး တည်ဆောက်နိုင်ခြင်း၊
- ရေတို/ရေရှည် ပြောင်းလဲမှုများကို လိုက်လျောညီထွေစွာ လုပ်ဆောင်နိုင်ခြင်း၊
- ခေါင်းဆောင်မှု စွမ်းရည်ရှိခြင်း၊
- ပတ်ဝန်းကျင်အခြေအနေပေါ်မူတည်၍ ဖြစ်ပေါ်လာသောပြဿနာများကို ဖြေရှင်းနိုင်ခြင်း စသည်တို့ဖြစ်ပါသည်။
SME Banking ဌာနသည် မြန်မာနိုင်ငံစီးပွားရေးလုပ်ငန်းများ၏ ၉၀% ဖြစ်သော အသေးစားနှင့်အလတ်စားစက်မှုလက်မှုလုပ်ငန်းများအား ဘဏ်အကောင့်ဖွင့်ခြင်းမှစ၍ International Trade ဝန်ဆောင်မှုများ၊ ချေးငွေဝန်ဆောင်မှုများပါ ဝန်ဆောင်မှုပေးနေသောဌာန ဖြစ်ပါသည်။ မြန်မာနိုင်ငံမှ အသေးစားနှင့်အလတ်စားစက်မှုလက်မှုလုပ်ငန်းများ ဖွံ့ဖြိုးတိုးတက်စေရန် နိုင်ငံတကာအဖွဲ့အစည်းများနှင့်လည်း ပူးပေါင်း ဆောင်ရွက်လျက်ရှိပါသည်။ မြန်မာနိုင်ငံ၏ပထမဦးဆုံးသော အာမခံပစ္စည်းပေးရန်မလိုသည့်ချေးငွေ CGI အစီအစဉ်ကို မြန်မာ့အာမခံလုပ်ငန်းနှင့် အသေးစားနှင့်အလတ်စားလုပ်ငန်းများ ဖွံ့ဖြိုးတိုးတက်ရေး ဗဟိုဌာနတို့နှင့် ပူးပေါင်းဖော်ဆောင်ခဲ့ပါသည်။
ဤဌာနတွင် လုပ်ကိုင်လိုသူများအနေဖြင့်
- ဘဏ္ဍာရေးပိုင်းတွင် အလုပ်အကိုင်လမ်းကြောင်း တည်ဆောက်လိုခြင်း၊
- အလျင်အမြန် ပြောင်းလဲဖွံ့ဖြိုးနေသော လုပ်ငန်းပတ်ဝန်းကျင်တွင် အလုပ်လုပ်ရသည်ကို ကြိုက်နှစ်သက်ခြင်း၊
- Customer များနှင့် ထိတွေ့ဆက်ဆံရသည်ကို သဘောကျခြင်း၊
စသည့်အချက်များကိုက်ညီပါက SME Banking ဌာနသည် ၎င်းသူများအတွက် သင့်လျှော်သောဌာနဖြစ်ပါသည်။
လျှောက်ထားလိုသူများအတွက် ရှိရမည့် အရည်အချင်းများမှာ-
- Credit Analysis ကဲ့သို့သော ဘဏ္ဍာရေးနှင့် ပတ်သက်၍ အခြေခံဗဟုသုတရှိခြင်းနှင့် နားလည်သဘောပေါက်ခြင်း၊
- Consulting နှင့် အခြားဆက်စပ်လျက်ရှိသော နယ်ပယ်များတွင် အတွေ့အကြုံရှိခြင်း၊
- ဖိအားများအောက်တွင် အလုပ်လုပ်နိုင်ခြင်း၊
- စီးပွားရေးအမြင်ရှိခြင်းနှင့် ငွေကြေးအကျိုးအမြတ်ကို နားလည်သဘောပေါက်ခြင်း၊
- လုပ်ဖော်ကိုင်ဖက်များ၊ ဖောက်သည်များနှင့် ပေါင်းသင်းဆက်ဆံရေးကောင်းမွန်ပြီး ခိုင်မာသော လူမှုဆက်ဆံရေး တည်ဆောက်နိုင်ခြင်း၊
- ရေတို/ရေရှည် ပြောင်းလဲမှုများကို လိုက်လျောညီထွေစွာ လုပ်ဆောင်နိုင်ခြင်း၊
- ခေါင်းဆောင်မှု စွမ်းရည်ရှိခြင်း၊
- ပတ်ဝန်းကျင်အခြေအနေပေါ်မူတည်၍ ဖြစ်ပေါ်လာသည့် ပြဿနာများကို ဖြေရှင်းနိုင်ခြင်း စသည်တို့ဖြစ်ပါသည်။
Corporate Banking ဌာနသည် အကြီးစားကုမ္ပဏီများနှင့် နိုင်ငံခြားကုမ္ပဏီများအား ကာလတို ကာလရှည် ချေးငွေပေးခြင်း၊ ငွေကြေးစီမံခန့်ခွဲမှုဝန်ဆောင်မှုများ၊ ကုန်သွယ်ရေးနှင့် နိုင်ငံတကာငွေပေးချေရေးဝန်ဆောင်မှုများကို ပြုလုပ်ပေးနေသောဌာန ဖြစ်ပါသည်။
ဤဌာနတွင် လုပ်ကိုင်လိုသူများအနေဖြင့်
- ဘဏ်လုပ်ငန်းဆိုင်ရာ နယ်ပယ်တွင် အလုပ်အကိုင်လမ်းကြောင်း တည်ဆောက်လိုခြင်း၊
- အလျင်အမြန်ပြောင်းလဲဖွံ့ဖြိုးနေသော လုပ်ငန်းပတ်ဝန်းကျင်တွင် အလုပ်လုပ်ရသည်ကို ကြိုက်နှစ်သက်ခြင်း၊
- ပြဿနာအရှုပ်အထွေးများကို ဖြေရှင်းရသည်ကိုနှစ်သက်ခြင်း၊
စသည့်အချက်များကိုက်ညီပါက Corporate Banking ဌာနသည် ၎င်းသူများအတွက် သင့်လျှော်သောဌာနဖြစ်ပါသည်။
လျှောက်ထားလိုသူများအတွက် ရှိရမည့် အရည်အချင်းများမှာ-
- Presentation အား English ဘာသာစကား ဖြင့် ရေးသားခြင်း၊ ပြောဆိုခြင်းများ ပြုလုပ်နိုင်ခြင်း၊
- အဖွဲ့အစည်းနှင့် လုပ်ဆောင်နိုင်ခြင်း၊
- အခက်အခဲများကို လျှင်မြန်စွာ ဖြေရှင်းနိုင်ခြင်း။
- Sales၊ Accounting၊ Business (သို့မဟုတ်) Finance and Banking ပိုင်းတွင် အတွေ့အကြုံရှိခြင်း၊
- Credit Analysis ကဲ့သို့သော ဘဏ္ဍာရေးနှင့် ပတ်သက်၍ နားလည်သဘောပေါက်ခြင်း၊
- ဘာသာစကားများ တတ်မြောက်ခြင်း စသည်တို့ဖြစ်ပါသည်။
Financial Institutions ဌာနသည် ပြည်တွင်းဘဏ်များနှင့်သာမက ပြည်ပဘဏ်များနှင့်ပါဆက်ဆံရေး ပိုမိုခိုင်မာလာစေရန် ဆောင်ရွက်ပေးရသည့် ဌာနဖြစ်ပါသည်။
ဤဌာနတွင် လုပ်ကိုင်လိုသူများအနေဖြင့်
- ဘဏ္ဍာရေးဈေးကွက်တွင် ခိုင်မာသောအဆက်အသွယ်များတည်ဆောက်လိုခြင်း၊
- အလျင်အမြန်ပြောင်းလဲ ဖွံ့ဖြိုးနေသော လုပ်ငန်းပတ်ဝန်းကျင်တွင် အလုပ်လုပ်ရသည်ကို ကြိုက်နှစ်သက်ခြင်း၊
စသည့်အချက်များကိုက်ညီပါက Financial Institutions ဌာနသည် ၎င်းသူများအတွက် သင့်လျှော်သောဌာနဖြစ်ပါသည်။
လျှောက်ထားလိုသူများအတွက် ရှိရမည့် အရည်အချင်းများမှာ-
- ဘဏ္ဍာရေးဆိုင်ရာ ဗဟုသုတများနှင့် အမျိုးမျိုးသောဘဏ္ဍာရေးစနစ် အခြေခံများအား နားလည်သဘောပေါက်ခြင်း၊
- လူမှုပတ်ဝန်းကျင်တွင် ပေါင်းသင်းဆက်ဆံရေးကောင်းမွန်ခြင်း၊
- လုပ်ဖော်ကိုင်ဖက်များ၊ ဘဏ်နှင့်ဆက်သွယ်ဆောင်ရွက်သူများကြားတွင် ခိုင်မာသော ဆက်ဆံရေး တည်ဆောက်နိုင်ခြင်း၊
- English ဘာသာစကားဖြင့် ရေးသားခြင်း၊ ပြောဆိုခြင်းများတွင် ကျွမ်းကျင်ခြင်း၊
- လိုက်လျောညီထွေစွာ ပေါင်းသင်းဆက်ဆံတတ်ခြင်း စသည်တို့ဖြစ်ပါသည်။
Transaction Banking ဌာနသည် ဘဏ်ဝန်ဆောင်မှုများကိုအသုံးပြုနေသည့် ကုမ္ပဏီများနှင့် အခြားကြီးမားသော Corporations တို့၏ ငွေကြေးစီးဆင်းမှုကို ထိထိမိမိ စီမံခန့်ခွဲနိုင်ရန် ငွေကြေးစီမံခန့်ခွဲမှု ဝန်ဆောင်မှုများကို ဆောင်ရွက်ပေးနေသည့်ဌာနဖြစ်ပါသည်။ CB Bank ၏ အဆင့်မြင့်နည်းပညာသုံး ဘဏ်လုပ်ငန်းဝန်ဆောင်မှုများကြောင့် အချိန်နှင့်တစ်ပြေးညီ ငွေကြေးစီးဆင်းမှုပမာဏကို စောင့်ကြည့်စီမံနိုင်ပါသည်။
ဤဌာနတွင် လုပ်ကိုင်လိုသူများအနေဖြင့်
- နည်းပညာအသစ်များကို အမီလိုက်နိုင်သူဖြစ်ခြင်း၊
- အခက်အခဲများကို လျှင်မြန်စွာ ဖြေရှင်းနိုင်ခြင်း၊
- ဘဏ်လုပ်ငန်းဆိုင်ရာ နယ်ပယ်တွင် အလုပ်အကိုင်လမ်းကြောင်း တည်ဆောက်လိုခြင်း၊
စသည့်အချက်များကိုက်ညီပါက Transaction Banking ဌာနသည် ၎င်းသူများအတွက် သင့်လျှော်သောဌာနဖြစ်ပါသည်။
လျှောက်ထားလိုသူများအတွက် ရှိရမည့် အရည်အချင်းများမှာ-
- ဘဏ္ဍာရေး၊ စီးပွားရေးနှင့် ပတ်သက်၍ အခြေခံဗဟုသုတရှိခြင်းနှင့် နားလည်သဘောပေါက်ခြင်း၊
- ဘဏ်နှင့်ဆက်သွယ်ဆောင်ရွက်သူများနှင့် ခိုင်မာသော လူမှုဆက်ဆံရေး တည်ဆောက်နိုင်ခြင်း၊
- ပြဿနာများကို စိစစ်ဖြေရှင်းနိုင်ခြင်း၊
- တက်ကြွစွာပါဝင်နိုင်ခြင်း၊
- စီးပွားရေးအမြင်ရှိပြီး ငွေကြေးအကျိုးအမြတ်ဆိုင်ရာကိစ္စရပ်များကို ကိုင်တွယ်နိုင်ခြင်း စသည်တို့ဖြစ်ပါသည်။
International Trade & Payment Services ဌာနမှ ပို့ကုန်နှင့် သွင်းကုန်တို့အတွက် ငွေပေးချေခြင်း၊ ငွေလက်ခံရယူခြင်းနှင့် ကုန်သွယ်ရေးအတွက်လိုအပ်သော ချေးငွေထုတ်ပေးခြင်းတို့ကို ဝန်ဆောင်မှုပေးလျက်ရှိပါသည်။
မြန်မာနိုင်ငံသည် ဖွံ့ဖြိုးတိုးတက်လာပြီး ကမ္ဘာ့စီးပွားရေးဈေးကွက်သို့ ချိတ်ဆက်လုပ်ကိုင်လာသည်နှင့်အမျှ International Trade Service သည် စီးပွားရေးလောကတွင် အလွန်အရေးပါလာပါသည်။ International Trade & Payment Services Division သည် Corporate and SME Banking တို့နှင့် နီးကပ်စွာ တွဲဖက်လုပ်ကိုင်ရသော အဖွဲ့အစည်းဖြစ်ပါသည်။
ဤဌာနတွင် လုပ်ကိုင်လိုသူများအနေဖြင့်
- ကုန်သွယ်မှု (သို့မဟုတ်) ဘဏ္ဍာရေး နယ်ပယ်တွင် အလုပ်အကိုင်လမ်းကြောင်း တည်ဆောက်လိုခြင်း၊
- ကုန်သွယ်မှုဆိုင်ရာ ဗဟုသုတများ ရှိခြင်း၊
- နိုင်ငံတကာ ဘဏ္ဍာရေးဈေးကွက်နှင့် ထိတွေ့မှုရှိခြင်း၊
စသည့်အချက်များကိုက်ညီပါက International Trade & Payment Services ဌာနသည် ၎င်းသူများအတွက် သင့်လျှော်သောဌာနဖြစ်ပါသည်။
လျှောက်ထားလိုသူများအတွက် ရှိရမည့် အရည်အချင်းများမှာ-
- Stakeholder များနှင့် ခိုင်မာသော ဆက်ဆံရေး တည်ဆောက်နိုင်ခြင်း၊
- Customer များအား ကောင်းမွန်သော ဝန်ဆောင်မှုပေးနိုင်ခြင်း၊
- စီးပွားရေးအမြင်ရှိခြင်းနှင့် ငွေကြေးအကျိုးအမြတ်ကို နားလည်သဘောပေါက်ခြင်း၊
- စီမံခန့်ခွဲခြင်း (သို့မဟုတ်) ဦးဆောင်လမ်းပြခြင်းတွင် အတွေ့အကြုံရှိခြင်း၊
- အမျိုးမျိုးသော ဘဏ်လုပ်ငန်းဆိုင်ရာ Product များနှင့် ရင်းနှီးကျွမ်းဝင်မှုရှိခြင်း စသည်တို့ဖြစ်ပါသည်။
Treasury ဌာနအနေဖြင့် ဘဏ်တွင်းငွေသားစီးဆင်းမှုနှင့် ငွေဖြစ်လွယ်မှုတို့အား ဟန်ချက်ညီစေရန် စီမံခန့်ခွဲပေးရပါသည်။ ထို့အပြင် အခြားရင်းနှီးမြှုပ်နှံမှုများပြုလုပ်ရာတွင်လည်းကောင်း၊ နိုင်ငံခြားငွေများအား စီမံခန့်ခွဲရာတွင်လည်းကောင်း၊ အစိုးရငွေတိုက်စာချုပ်များဝယ်ယူရောင်းချရာတွင်လည်းကောင်း အစီအမံကောင်းများချမှတ်ပေးနေရသည့် ဌာနလည်းဖြစ်ပါသည်။ ဌာနအား ဘဏ်နှင့်ဆက်သွယ်ဆောင်ရွက်သူများနှင့် ဆက်ဆံရသည့် အပိုင်း၊ ချမှတ်ထားသည့်စည်းကမ်းများနှင့် ကိုက်ညီခြင်းရှိ/မရှိ နှင့် ဆုံးရှုံးနိုင်ချေများအား စီမံခန့်ခွဲသည့်အပိုင်းနှင့် ငွေကြေးရောင်းဝယ်မှုများကို ပြုလုပ်ပေးရသည့်အပိုင်းဟူ၍ သုံးပိုင်းခွဲခြားထားပါသည်။
ဤဌာနတွင် လုပ်ကိုင်လိုသူများအနေဖြင့်
- နိုင်ငံတကာ ဘဏ္ဍာရေးဈေးကွက်နှင့် ထိတွေ့မှုရှိခြင်း။
- Customer များအား ကောင်းမွန်သော ဝန်ဆောင်မှုပေးနိုင်ခြင်း။
- အခက်အခဲများကို လျင်မြန်စွာ ဖြေရှင်းနိုင်ခြင်း။
စသည့်အချက်များကိုက်ညီပါက Treasury Services ဌာနသည် ၎င်းသူများအတွက် သင့်လျှော်သောဌာနဖြစ်ပါသည်။
လျှောက်ထားလိုသူများအတွက် ရှိရမည့် အရည်အချင်းများမှာ-
- ကိုယ်ပိုင်တွေးတောကြံဆနိုင်စွမ်းရှိခြင်းနှင့် စိတ်အားထက်သန်မှုရှိခြင်း၊
- ကိန်းဂဏန်းများနှင့် ပက်သက်၍ ပင်ကိုယ်ဉာဏ်ကောင်းမွန်ခြင်း၊
- ငွေပေးချေမှု နည်းပညာများ ထွက်ပေါ်လာခြင်းဆိုင်ရာကိစ္စများနှင့် ဘဏ္ဍာရေးဈေးကွက်တွင် ဗဟုသုတရှိခြင်း၊
- လူမှုဆက်ဆံရေးကောင်းမွန်ခြင်း စသည်တို့ဖြစ်ပါသည်။
CB Bank သည် ပမာဏများပြားသော ငွေပေးချေမှုများအတွက် ငွေသားများစွာ သယ်ဆောင်စရာမလိုသော နိုင်ငံတကာ အဆင့်မီ Debit နှင့် Credit Card များကို မြန်မာနိုင်ငံတွင် ပထမဦးဆုံးစတင် မိတ်ဆက်ပေးခဲ့ပါသည်။ Card & Merchant ဌာနသည် Debit ကတ် နှင့် Credit ကတ်များအား စီမံခန့်ခွဲရပြီး နိုင်ငံတကာကတ်စီမံခန့်ခွဲမှု ကုမ္ပဏီများဖြစ်သည့် VISA ၊ Mastercards ၊ UPI နှင့် JCB များနှင့် အတူပူးပေါင်းဆောင်ရွက်ရသည့် ဌာနဖြစ်သည့်အပြင် စီးပွားရေးလုပ်ငန်းရှင်များအတွက် ငွေပေးချေမှုနည်းလမ်းကောင်းများကိုလည်း ဝန်ဆောင်မှုပေးနေရသည့် ဌာနဖြစ်ပါသည်။
ဤဌာနတွင် လုပ်ကိုင်လိုသူများအနေဖြင့်
- ရှေ့ရေးအတွက် ကြိုတင်ရင်ဆိုင်တွေးတော၍ ဆုံးဖြတ်ချက်များ ချမှတ်နိုင်ခြင်း၊
- လွယ်လွယ်အရှုံးမပေးဘဲ အမြဲသင်ယူလိုစိတ်ရှိခြင်း၊
- Customer များနှင့် ထိတွေ့ဆက်ဆံပြောဆိုရသည်ကို နှစ်သက်ခြင်း၊
စသည့်အချက်များကိုက်ညီပါက Card & Merchant Services Division ဌာနသည် ၎င်းသူများအတွက် သင့်လျှော်သောဌာနဖြစ်ပါသည်။
လျှောက်ထားလိုသူများအတွက် ရှိရမည့် အရည်အချင်းများမှာ-
- English နှင့် Myanmar ဘာသာစကားဖြင့် ရေးသားခြင်း၊ ပြောဆိုခြင်းပြုလုပ်၍ ခိုင်မာသောဆက်ဆံရေး တည်ဆောက်ရာတွင် ကျွမ်းကျင်ခြင်း၊
- ငွေပေးချေမှု နည်းပညာများ ထွက်ပေါ်လာခြင်းဆိုင်ရာကိစ္စများနှင့် Credit/Risk ချင့်ချိန်ဆုံးဖြတ်မှုများတွင် အတွေ့အကြုံရှိခြင်း၊
- ကတိတာဝန်များအားထိန်းသိမ်းနိုင်သည့်အပြင် အခြားသူများ၏ ယုံကြည်မှုရရှိပြီး လူအများအား လေးစားသမှုဖြင့် ဆက်ဆံတတ်သော တွေးခေါ်မှုကောင်းမွန်သည့် အဖွဲ့ဝင်တစ်ယောက်ဖြစ်ခြင်း၊
- အဖွဲ့အစည်းတွင် စာရိတ္တကောင်းမွန်ပြီး စိတ်အားထက်သန်စွာအဖွဲ့အစည်းနှင့် လုပ်ကိုင်နိုင်စွမ်းရှိခြင်း စသည်တို့ဖြစ်ပါသည်။